Մասնագիտությունը թելադրում է սուրճի քանակն ու տեսակը

Ամերիկացի մասնագետները դասակարգել են մասնագիտությունները` ըստ դրանց ներկայացուցիչների օգտագործած սուրճի քանակի և տեսակի: Այդ մասին հոդված է հրապարակել է Le Figaro-ն իր կայքում:

«Շատերի կարծիքով կատարյալ աշխատանքային օրը սկսվում է լավ տաք սուրճից: Dunkin' Donut's- ի և Career Builder մասնագիտացված կայքի հրապարակած ուսումնասիրությունը պարունակում է տարբեր մասնագիտական խմբերի դասակարգումն ըստ սուրճի օգտագործման քանակի»,- գրում է պարբերականի կայքը:

Ամերիկացիրենրի 46%-ը հայտարարում է, որ սուրճը բարձրացնում է իրենց աշխատունակությունը, իսկ 61%-ը նշում է, որ յուրաքանչյուր աշխատանքային օրվա ընթացքում խմում են 2 բաժակ սուրճ:

Ըստ հոդվածի հեղինակի` իրավաբանական մասնագիտությունների տեր մարդիկ և հյուրանոցային բիզնեսում ներգրավվածները նախընտրում են սև սուրճ այն դեպքում, երբ դասախոսներն ու լրագրողները ավելի հակված է բուրումնավետ սուրճերի:

Բրիտանացիները ամեն օր սուրճի ընդմիջման համար վատնում են 24 րոպե, իսկ ամբողջ կարիերայի ընթացքում` 188 օր 21 ժամ: Ուսումնասիրության համաձայն` այդ ընդմիջումները գործատու ընկերությանն ամեն տարի արժենում են 490 եվրո»,- նշում հոդվածագիրը:

Հարցեր, պատասխաններ, մեկնաբանություններ